“ТЭРБУМ МОД” үндэсний хөдөлгөөн болон “Бүх нийтээр мод тарих өдөр”-ийг тохиолдуулан Чингис хотын төв талбайд уламжлал болсон модны тарьц суулгацын үзэсгэлэн худалдаа зохион байгуулагдаж байна. Энэхүү үзэсгэлэн худалдаанд Бөтширээт СДОА, Биндэр СДОА, "Жимсний баяжмал" нөхөрлөл, "Баруун номгон" ТББ-ын төлөөлөл оролцож, нарс, шар хуайс, давжаа алим, монос, гүйлс, үхрийн нүд, хайлаас, бургас гэх мэт 10 гаруй төрлийн модны суулгацыг худалдаалж байгаа юм. Тарьц суулгацын үнийн хувьд 2000-70 000 төгрөгийн хооронд худалдаалагдаж байна.