ДЭЛХИЙН ЗӨН МОНГОЛ ОЛОН УЛСЫН БАЙГУУЛЛАГЫН "БОР-ӨНДӨР 2" ОНХХ ХЭРЛЭН СУМЫН 135 ӨРХӨД БУЦАЛТГҮЙ ТУСЛАМЖ ҮЗҮҮЛЛЭЭ

ДЗОУБ-ын Бор-Өндөр II хөгжлийн хөтөлбөрөөс Зудын гамшигт өртсөн Хэрлэн сумын харъяат 70-400 толгой /богт шилжүүлсэнээр/ малтай болон дэлхийн зөнд бүртгэлтэй 135 өрхөд буцалтгүй тусламж үзүүллээ. Энэхүү тусламжид өрх бүрд 3 шуудай хорголжин тэжээл, 3 боодол өвс, хүнс, ахуйн хэрэглээний бараа нийт дүнгээр 600 мянган төгрөгийн тусламжийг хүргэлээ.

Өнгөрсөн 3-р сард тус хөтөлбөрөөс мөн Хэрлэн сумын 48 өрхөд буцалтгүй тусламжаар өрх тус бүрд 9 шуудай хивэг олгож хамтран ажилласан. Ингэснээр энэ хавар тус байгууллагаас Хэрлэн сумын үндсэн малчин 183 өрхөд буцалтгүй тусламж үзүүлж ажилласан байна.

ТАЛАРХАЛ ИЛЭРХИЙЛЬЕ.