ЧИНГИС ХОТЫН АВТОЗАМЫН ХАШЛАГАНЫ ШОРООГ ЦЭВЭРЛЭЖ БАЙНА

Чингис хот доторх 22 км автозамын цэвэрлэгээ үйлчилгээг Өндөрхаан Тохижилтын Газар хариуцан ажилладаг. Сумын Засаг даргын өгсөн чиглэлийн дагуу Ардчиллын гудамж, Тэмүүжингийн гудамж, Сэцэнханы гудамж, Навааннэрэнгийн гудамж, Баатаруудын гудамж, Баруун 4 замаас гүүр хүртэл, Баазын автозам, Мөнхбатын дэлгүүр, Өлзийт Булагийн зам, Тээвэрчдийн гудамж зэрэг шаардлагатай байршлуудад өглөө бүр 06 цагаас зам талбайн үйлчлэгч нарыг ажиллуулан автозамын хашлаганы хур шороог цэвэрлүүлэх ажил үргэлжилж байна.

Хичээлийн шинэ жилийг угтан Чингис хотын төвийн автозамыг шүүрдэж бүрэн дуусгаж, бороо ус их, гарц орц олширсоны улмаас өдөр тутам нэмж гарч буй хашлаганы шороог дахин эхнээс нь цэвэрлэж эхлүүлээд байна.