УИХ-ын дарга Д.Амарбаясгалан болон УИХ-ын гишүүн Ц.Идэрбат, УИХ-ын гишүүн Нийгмийн бодлогын байнгын хорооны дарга Л.Энхнасан, УИХ-ын гишүүн Ш.Бямбасүрэн, М.Мандхай нар орон нутгийн удирдлагуудын хамт өнөөдөр аймгийн төрийн албан хаагчид, иргэдийн төлөөлөлтэй уулзалт хийлээ.

Зүүн бүсээс сонгогдсон УИХ-ын гишүүдийн хувьд намрын чуулганы завсарлагаанаар тойргийнхоо гурван аймгийн нийт сум, багуудад хүрч ажиллаж эхэлсэн. Энэ удаагийн уулзалтаар Хэрлэн сумын иргэддээ 2025 онд Хэнтий аймагт тавигдсан улсын төсвийн онцлог, бүсчилсэн хөгжлийн зорилтот тулгуурласан дэд бүтэц, түүхэн аялал жуулчлал, эрчимжсэн ХАА-н чиглэлээр туссан ажлуудыг танилцуулж, иргэдийнхээ сонирхсон асуултад хариуллаа.