Хэрлэн сумын Засаг даргын тамгын газар МОНГОЛ ХЭЛНИЙ тухай хуулийн хэрэгжилтийг хангаж ажиллах төлөвлөгөөний дагуу иргэдэд үйлчлэх хэсэгт цахим самбар байрлуулж сумын танилцуулга, зорилго зорилтыг үндэсний бичгээр илэрхийллээ.

Төрийн албан хэргийг хос бичгээр хөтөлж эхэлсэн мөн алба хаагчдыг үндэсний бичгийн сургалтад хамруулж, бичих болон унших чадварт тэгш сургах ажлыг эхлүүллээ.

Монгол бичгийн үндэсний хөтөлбөрийн хүрээнд Монгол бичгээр үйлдэх баримт бичгийн хэвлэмэл хуудас, түүний бүрдлийн байрлалд тавих үндсэн шаардлага MNS 6395:2022 стандарт, Төрийн албан хаагчийн нэрийн хуудсанд тавих ерөнхий шаардлага MNS 6978:2022 стандарт, Гудамж, зам, талбай, үл хөдлөх эд хөрөнгө, аж ахуйн нэгж, байгууллагын хаягийн тэмдэгт тавих ерөнхий шаардлага MNS 5283:2022 стандарт, Монгол хэлний компьютерын орчны тогтолцоо, тооцоолох хэрэгслийн гарын товчлуур дээрх монгол бичгийн үсэг, тэмдэгтийн байршил MNS 7004:2023 стандарт батлагдан, төрийн 4200 байгууллага мөрдөж ажиллаж байна.