Малын тоо толгойн албан татвараас бүрдсэн орлогыг сумын хэмжээнд мал аж ахуйн салбарыг дэмжих, малчдын амьжиргааг сайжруулах чиглэлээр зарцуулахаар төлөвлөсөн байна. Тодруулбал малын вакцин хадгалах зориулалтын хөргүүр худалдан авах, малчдад зориулсан сургалт зохион байгуулах, өвс тэжээлийн нөөц бүрдүүлэх, шинээр худаг гаргах, хогийн цэгийг хашаажуулах зэрэг ажлуудыг хэрэгжүүлэхээр тусгасан юм.