Хэрлэн сумын Булаг багт амьдардаг ахмад настан Ичинхорлоо 6 ач, зээгийн хамт 20 гаруй жил зуны байшинд амьдарч байсан бөгөөд том охин болох Анударь нь Аймгийн Засаг даргад дулаан гэр оронтой болох хүсэлт ирүүлсний дагуу 1-р сарын 26-нд хүүхдүүдийн амьдрах орчин бүрдсэн, дулаан гэртэй боллоо.

Аймгийн ИТХ-ын төлөөлөгч, Засаг Даргын орлогч Б.Өнөрцолмон, Аймгийн ИТХ-ын төлөөлөгч, хүний их эмч Д.Алтангэрэл , Хэрлэн сумын ЗДТГазар болон Хэрлэн дом ӨЭМТ-ийн эмч Ц.Цэндзэсэм, 2-р цэцэрлэгийн арга зүйч С.Оюунгэрэл, 4-р сургуулийн захирал Цэнд-Аюуш нар 1,300,000 мянган төгрөгийн өртөгтэйгөөр гэрийг тохижуулан гардуулан өглөө.

Мөн Хот Тохижилтын Газар тог цахилгааны асуудлыг бүрэн шийдвэрлэж, Юнивишн гэх зэрэг айлд хэрэгцээтэй бүхий л асуудлыг шийдвэрлэлээ.