ХЭРЛЭН, БУЛАГ БАГИЙН ГЭР ХОРООЛЛЫН ИНЖЕНЕРИЙН ШУГАМ СҮЛЖЭЭ ИРЭХ 12-Р САРД АШИГЛАЛТАД ОРНО

Хэрлэн сумын 1, 2-р багийн гэр хорооллын шугам сүлжээ төслийг хэрэгжүүлж байна.

Энэ төслөөр 1-р багт ариутгах татуургын 17929 м шугам, цэвэр ус дулаан хангамжийн 36000 м шугамын угсралт, 2-р багт ариутгах татуургын 17444,7 м шугам, цэвэр ус дулаан хангамжийн 36294.4 м шугамын угсралтын ажил буюу нийт 107.6 км урт шугам сүлжээний ажил гүйцэтгэхээс гадна 4,8 мегаватт халаалтын зуухны барилга баригдах юм.

Төсөл бүрэн хэрэгжсэнээр 1-р багийн 859 өрх, 2-р багийн 929 өрх инженерийн шугам сүлжээнд холбогдох боломжтой.

Энэхүү ажил нь 2022 оны 5 сараас эхэлсэн бөгөөд 2023 оны 12 дугаар сард ашиглалтад орно.